Manie van Vuuren, bekende inwoner van Alberton het onverwags in Mosselbaai aan ‘n hartaanval gesterf.

Meeste van ons het hom leer ken as die Manie van Sha-Manie.  Ons sal hom onthou vir sy “skielik beter met my” as hy jou raakloop of bel.

Manie het na aan God geleef en het gereeld vir jou gebid of Woord gebring wat God op sy hart geplaas het.

Sy heengaan gaan ‘ n groot leemte in die gemeenskap laat asook by Doxa Deo Meyersdal.

Ons dink aan sy gesin:  Sharon, Bismark, Quine, Garth, Natasha, Melissa, ons innige simpatie.

SKIELIK BAIE BETER – Gedig deur Andries Erasmus

Skielik baie beter, het jy altyd gesê

Altyd gereed om iets in ander te belê

Jy het geweet hoe om die stof te laat waai

En soos ‘n storm kon jy die wereld omdraai

O blikskottel ou bul

Jy is te vining stil

Die stof het so skielik gaan lê

Daar is soveel wat ons nog vir jou wou sê

Ons is stukkend, verlore en alleen

Maar jy het tog altyd gesê, tyd is net geleen

Kom Madam, kom ons ry, die tyd loop

Dit sou tog nooit einde kry, so het ons gehoop

Skielik baie beter, knetter jou lag

Hierdie is vir ons almal ‘n baie groot slag

Jy’t sowaar deur die hemelse poorte gebars

En jy sing ‘n nuwe lied, so vrolik en vars

Nog een van jou lewenslesse het ons getref

Die lewe is kort, ons het dit weer besef

Jou trane was altyd so vlak

Nou staan ons na trane en snak

Deur jou, het baie van Jesus gehoor

Die wêreld het vir seker ‘n legende verloor

Jou voorbeeld sal vir altyd bly staan

Mag ons hoop tog nooit vergaan

Totsiens beste vriend